Чемпионлар лигаси умумий босқичининг биринчи турида «Реал» ўз майдонида «Интер»ни қабул қилади. Мадрид клуби ҳужумчиси Килиан Мбаппе бўлажак рақиб ҳақида фикр билдирди.
«Албатта, мен “Милан”ни афзал кўраман. Аммо “Интер” ҳурматга лойиқ рақиб. Уларда жуда яхши жамоа бор. Қуръа ташланганидан сўнг биринчи ўйлаган футболчим Тюрам бўлди, чунки у билан жуда яхши дўстмиз.
Аммо уларда Лаутаро ҳам бор — у учрашув тақдирини ўзгартира оладиган ҳужумчи. Албатта, умид қиламанки, эртага унга буни амалга оширишга имкон бермаймиз», — деди Мбаппе журналистларга.
