«Ювентус» ярим ҳимоячиси Мануэль Локателли Италия чемпионати 3-турида «Милан»га қарши ўтказилган учрашувдан кейин тиззасидан жароҳат олди. Баҳс 1:1 ҳисобида якунланган эди.
Италиялик футболчи қўшимча тиббий текширувдан ўтади. Текширув натижаси жароҳат даражаси ва тикланиш муддатини аниқлаб беради. Локателлининг мениски шикастланган бўлиши мумкинлигидан хавотирлар бор.
Агар жарроҳлик амалиёти талаб этилмаса, ярим ҳимоячи консерватив усулда даволанади. Ҳозирча унинг «Сассуоло», Европа лигасидаги НЕК ва «Аталанта»га қарши ўйинларни ўтказиб юбориши кутилмоқда.
Шундан кейин уч ҳафталик танаффус бошланади. Локателлининг 11 октябрь куни «Кальяри»га қарши ўйинда майдонга қайтиши режалаштирилган.
