«Фиорентина» собиқ бош мураббий Фабио Гроссога нисбатан интизомий чора қўллаш имкониятини кўриб чиқмоқда. Клуб шу орқали уни ишдан бўшатиш билан боғлиқ харажатларни камайтиришни мақсад қилган. Бу ҳақда Football Italia хабар берди.
Гроссо А Сериядаги мавсумни кетма-кет учта мағлубият билан бошлаганидан сўнг, 6 сентябрь куни лавозимидан озод этилган эди. Унинг ўрнига Паоло Ваноли тайинланди.
Манба маълумотига кўра, «Фиорентина» Гроссо клуб раҳбарияти билан трансфер сиёсати борасидаги принципиал келишмовчиликлар сабаб ишини давом эттира олмаганини исботлашга уринмоқда.
Шу билан бирга, мураббий ишни давом эттириш имконсиз эканини билдирган бўлса-да, ўз хоҳиши билан истеъфога чиқиш ҳақида ариза бермаган.
Агар Гроссони ишдан бўшатиш интизомий сабабларга кўра асосли деб топилса, «Фиорентина» унинг шартномаси тугагунига қадар тўланиши лозим бўлган маошдан озод бўлиши мумкин.
