Ўзбекистон U-16 ўсмир қизлар терма жамоаси Хитойнинг Нанкин шаҳрида старт олган U-16 ўсмир қизлар ўртасидаги Осиё чемпионати 1-тур ўйинида Жанубий Корея ўсмир қизлар терма жамоасига қарши майдонга тушди ва 0:0 ҳисобида дуранг ўйнади.
26 сентябрь куни Хитойнинг Нанкин шаҳрида ўсмир қизлар ўртасида U-16 ОЧ баҳслари старт олди. 26 сентябрь куни Гулнора Аъзамова бошчилигидаги Ўзбекистон U-16 қизлар терма жамоаси мусобақанинг 1-тур учрашувида Жанубий Кореяга қарши майдонга тушди ва 0:0 ҳисобида дуранг ўйнади. Нанкиндаги мусобақанинг «C» гуруҳидан жой олган Аъзамова шогирдлари 2-тур ўйинида 28 сентябрь куни Таиланд терма жамоасига қарши майдонга тушади.
Маълумот учун, Осиё чемпионати финал босқичида жами 12 терма жамоа 4 гуруҳга бўлинган ҳолда иштирок этади. Гуруҳ ғолиблари тўғридан-тўғри ярим финалга йўлланма олишади. Осиё чемпионати финалчилари ва учинчи ўрин соҳиби эса, 2014 йили Коста-Рикада бўлиб ўтадган U-17 ўсмирлар ўртасидаги жаҳон чемпионати баҳсларига йўлланма олишади.
U-16 ўсмир қизлар ўртасидаги ОЧ. «C» Гуруҳи.
26 сентябрь. «Jiangsu Football» стадиони.
Ўзбекистон (U-16) - Жанубия Корея (U-16) - 0:0
Ўзбекистон (U-16): Лайло Тиловова, Шоҳида Тожиддинова, Анзиля Ермакова, Дилноза Бектемирова, Лианна Норбекова, Дарина Федосенко, Дилдора Нозимова, Файёза Самандарова, Шодия Тошева, Нилуфар Қудратова, Севара Нормуродова
Заҳира: Сарвиноз Эргашева, Умида Зоирова, Мадина Эргашева, Мадина Юсупова, Мафтуна Шойимова, Нафосат Жумақулова.
