«Манчестер Юнайтед»нинг собиқ футболчиси Уэйн Руни жамоа бош мураббийи Майкл Каррикнинг ҳозирги вазияти ҳақида фикр билдирди. У собиқ жамоадошини клуб раҳбарияти унга кўп вақт бермаслиги мумкинлигидан огоҳлантирди.

«Сен «Манчестер Юнайтед» мураббийи бўлсанг, доимо босим остида бўласан. Ҳозир сенда кўп вақт йўқ. Бор кучинг билан ишлашинг ва керакли футболчиларни олиб келишинг керак. Чунки олти ёки ўн икки ойдан кейин ўтириб, нимани бошқача қилиш керак эди, деб ўйлашни истамайсан.

Биз Чемпионлар лигасини ютишни хоҳлаймизми? Албатта. Аммо клуб яна юқори даражага қайтиш жараёнини бошдан кечираётган экан, ҳозирча ўша савияга етмаганимизни тан олишимиз керак. «Арсенал» ҳам бу жараёндан беш йил давомида ўтди ва ҳар йили ўсишни кўрдик.

Каррик трансферлардан мамнун эканини айтди. Аммо менимча, ҳеч бир мураббий ўз таркибидан тўлиқ қониқмайди. Баъзи гапларни айтишга тўғри келади — барча мураббийлар шундай қилади.

Лекин Каррикнинг кутиб ўтиришга вақти йўқ. У: «Яна бир йил кутиб тураман, ҳимоямни йўлга қўяман», деб ўтира олмайди. Америкалик эгалар муваффақиятни дарҳол хоҳлайди», — деди Руни Stick to United подкастида.

«Манчестер Юнайтед» 10 сентябрь куни Чемпионлар лигасида «Сабаҳ»га қарши майдонга тушади.