«Барселона» спорт директори Деку ҳужумчи Ферран Торреснинг «Пари Сен-Жермен»га ўтиши ҳақида фикр билдирди.

Испаниялик футболчи ёзги трансфер ойнасида «Барселона»ни тарк этиб, «ПСЖ» сафига қўшилди. Каталония клуби унинг трансферидан тахминан 50 миллион евро ишлаб олди.

«Унинг «ПСЖ» сафида хет-трик қайд этганидан хурсандман. Биз юзага келган вазиятдан яхши чиқиб кетдик. У жамоада муҳимроқ роль ўйнашни истади. Агар футболчи кетишни хоҳласа, биз уни эшитишимиз керак», — деди Деку El Món a RAC1 дастурида.

Торрес 2022 йилдан 2026 йилгача «Барселона» шарафини ҳимоя қилди. Бу даврда у 207 та ўйинда майдонга тушиб, 65 та гол урди ва 23 та голли узатмани амалга оширди.

26 ёшли Торрес «ПСЖ» сафидаги дастлабки тўртта учрашувида бешта гол уришга муваффақ бўлди.