«Реал» ҳужумчиси Килиан Мбаппе ўз манзилига билдирилаётган танқидларга муносабат билдирди. Франциялик футболчи кўпинча тўпсиз ҳаракатларда, хусусан, ҳимоя ва прессингда жамоага етарлича ёрдам бермасликда айбланади.

«Менимча, бу масаланинг инсоний томони билан боғлиқ. Мен энди ҳеч ким учун янги футболчи эмасман — одамлар кўп йиллардан бери нималарга қодир эканимни билишади.

Одамлар доим инсон қилмаётган ишларга кўпроқ эътибор қаратади. Агар сен бир ишни 10 йил давомида мунтазам бажариб келсанг, одамлар энди бунга қарамай қўяди. Чунки сен бунга қодир эканингни улар аллақачон билишади. Шунинг учун улар сен қилмаётган ишларга эътибор қаратишга ҳаракат қилади. Мен буни юрагимга яқин олмайман.

Танқидга хотиржам қарайман. Конструктив танқид бор, мантиқсиз танқид ҳам бор. Бу мени қўрқитмайди. Қарор қабул қилаётганимда, кейин мени танқид қилишлари мумкинлиги ҳақида ўйламайман.

Фаолиятим мен доимо олдинга ҳаракат қилганимни кўрсатди. Футболчи бўлсанг, уйида ўтириб ўз фикрига эга бўлган миллионлаб мураббийлар борлигини тушунасан. Ҳар кимнинг ўз нуқтаи назари бор. Аммо менимча, футболнинг мақсади — гол уриш ва рақибдан кўпроқ гол уриш», — деди Мбаппе L’Equipe нашрига.

12 сентябрь, шанба куни «Реал» «Райо Вальекано»га қарши майдонга тушади.