«Барселона» спорт директори Деку жамоанинг чап қанот ҳимоячиси Алехандро Бальденинг вазиятига баҳо берди.

Аввалроқ бош мураббий Ханс-Дитер Флик 22 ёшли футболчига ишонч билдирмаётгани ҳақида хабарлар тарқалган эди.

«Бальде? Ҳеч нарса содир бўлгани йўқ, у бизнинг футболчимиз. У 22 ёшда, келажаги порлоқ ва дунёнинг энг яхши клуби билан шартномаси бор. У таркибдан жой олиш учун рақобат қилиши керак.

Бальде жароҳатлар билан боғлиқ муаммоларга дуч келди, аммо икки йил аввал у ажойиб ўйнаган эди. Агар Бальде яхши формада бўлса, уни «Барселона» таркибидан ташқарида қолдириш жуда қийин», — деди Деку RAC1 эфирида.

Transfermarkt портали Алехандро Бальденинг бозор қийматини 50 миллион еврога баҳоламоқда.