Миланнинг «Интер» клубида тўп тепаётган француз ҳужумчиси Маркус Тюрам Англия Премьер-лигаси клублари қизиқиши доирасига тушди. Бу ҳақда Football360 журналисти Экрем Конур хабар берди.

Манбага кўра, 29 ёшли ҳужумчини «Тоттенхэм», «Ньюкасл» ва «Астон Вилла» ўз сафига қўшишдан манфаатдор. Бироқ ҳозирча уларнинг ҳеч бири расмий таклиф билан чиқмаган.

Таъкидланишича, «Интер» Тюрамни жамоа учун алмаштириб бўлмайдиган футболчи деб ҳисоблайди ва уни сотишни режалаштирмаяпти. Аммо 60 миллион евро миқдоридаги таклиф италияликларнинг позициясини ўзгартириши мумкин.

Жорий мавсумда Тюрам барча турнирларда 3 та учрашувда иштирок этиб, 1 та гол урди.