Milanning «Inter» klubida to‘p tepayotgan fransuz hujumchisi Markus Tyuram Angliya Premyer-ligasi klublari qiziqishi doirasiga tushdi. Bu haqda Football360 jurnalisti Ekrem Konur xabar berdi.

Manbaga ko‘ra, 29 yoshli hujumchini «Tottenxem», «Nyukasl» va «Aston Villa» o‘z safiga qo‘shishdan manfaatdor. Biroq hozircha ularning hech biri rasmiy taklif bilan chiqmagan.

Ta’kidlanishicha, «Inter» Tyuramni jamoa uchun almashtirib bo‘lmaydigan futbolchi deb hisoblaydi va uni sotishni rejalashtirmayapti. Ammo 60 million yevro miqdoridagi taklif italiyaliklarning pozisiyasini o‘zgartirishi mumkin.

Joriy mavsumda Tyuram barcha turnirlarda 3 ta uchrashuvda ishtirok etib, 1 ta gol urdi.