«Тоттенхэм» ҳужумчиси Ришарлисоннинг «Васко да Гама» клубига трансфери амалга ошмади. Бу ҳақда BBC хабар берди.

Аввалроқ 29 ёшли бразилиялик футболчи жорий мавсум учун «Тоттенхэм»нинг АПЛда иштирок этадиган таркибига киритилмаганидан сўнг ноаниқ ҳолатда қолгани хабар қилинган эди. Ришарлисон ва унинг жамоаси «Тоттенхэм» билан шартноманинг қолган қисмини бекор қилиш мақсадида судга мурожаат қилиш имкониятини ҳам ўрганган.

Манбаларга кўра, «Тоттенхэм» футболчининг трансфери борасида «Васко да Гама» билан келишувга эришган. Бироқ муаммо футболчининг шахсий шартларида юзага келган.

Бундан ташқари, Бразилиядаги трансфер ойнаси 11 сентябрь, жума куни ёпилди.