«Ливерпуль»нинг собиқ машҳур футболчиси Жейми Каррагер мерсисайдликлар янги футболчиси Рональд Араухонинг ўйини ҳақида фикр билдирди.

Мутахассиснинг фикрича, «Ливерпуль» Араухони нафақат марказий ҳимояда, балки ўнг қанотда ҳам ўйнаш учун ижарага олган. Унинг таъкидлашича, «қизиллар»нинг ҳимоя қанотида айрим муаммолари бор.

«Араухо атиги икки ўйиндаёқ деярли мухлисларнинг севимли қаҳрамонига айланди. Мухлислар дарҳол уни яхши кўриб қолишди. Балки «Барселона»да унинг кетганидан хурсанд бўлишгандир, аммо «Ливерпуль» мухлислари уни очиқ қучоқ билан кутиб олишди. Кўриниб турибдики, бу унга ҳам ёқмоқда. Қаҳрамонлар шундай бўлишади — мухлислар билан яхши муносабатлар орқали», — деди Каррагер talkSPORT эфирида.

Араухо «Ливерпуль» сафида барча мусобақаларда 4 та учрашувда майдонга тушиб, 1 та голли узатма амалга оширди.