«Арсенал»нинг собиқ ярим ҳимоячиси, 1998 йилги жаҳон чемпиони Эммануэль Пети Мадриднинг «Реал» клуби ҳужумчиси Винисиус Жуниорнинг «канонирлар» сафига эҳтимолий ўтиши ҳақида фикр билдирди. Бундай хабарлар ёзда тарқалган эди.

«Менимча, Винисиус ҳақиқатан ҳам иқтидорли футболчи, аммо унинг менталитети нуқтаи назаридан «Арсенал»га қанчалик мос келишини билмайман. Бу шунчаки менинг фикрим. «Арсенал»да жуда кўп камтар футболчиларни кўряпман. Шунинг учун жамоага бутунлай бошқача характерга эга футболчини олиб келиш муаммо туғдириши мумкин, айниқса Артетанинг бошқарув услубини ҳисобга олсак.

«Бетис» ва «Реал»нинг сўнгги ўйинида Винисиус ва Жозе Моуринью ўртасида нима бўлганига қаранг. Бу менга ўтган мавсумда Хаби Алонсо Винисиус билан қўл беришдан бош тортган вазиятни эслатди.

Винисиус мухлислар, матбуот ва ижтимоий тармоқларда жуда кўп танқидга учрайди, аммо шундай вазиятларда у нотўғри сигнал беради. Менимча, «Арсенал» унинг жиддий оқибатларга дуч келмаганидан омадли бўлди. Винисиусдек иқтидорли футболчини «Арсенал» таркибида кўришни жуда хоҳлардим, аммо унинг менталитети ва эгосини ҳисобга олсак, бу жуда мураккаб вазиятни юзага келтириши мумкин», — дея Петининг сўзларини Boyle Sports келтиради.