«Arsenal»ning sobiq yarim himoyachisi, 1998 yilgi jahon chempioni Emmanuel Peti Madridning «Real» klubi hujumchisi Vinisius Juniorning «kanonirlar» safiga ehtimoliy o‘tishi haqida fikr bildirdi. Bunday xabarlar yozda tarqalgan edi.

«Menimcha, Vinisius haqiqatan ham iqtidorli futbolchi, ammo uning mentaliteti nuqtai nazaridan «Arsenal»ga qanchalik mos kelishini bilmayman. Bu shunchaki mening fikrim. «Arsenal»da juda ko‘p kamtar futbolchilarni ko‘ryapman. Shuning uchun jamoaga butunlay boshqacha xarakterga ega futbolchini olib kelish muammo tug‘dirishi mumkin, ayniqsa Artetaning boshqaruv uslubini hisobga olsak.

«Betis» va «Real»ning so‘nggi o‘yinida Vinisius va Joze Mourinyu o‘rtasida nima bo‘lganiga qarang. Bu menga o‘tgan mavsumda Xabi Alonso Vinisius bilan qo‘l berishdan bosh tortgan vaziyatni eslatdi.

Vinisius muxlislar, matbuot va ijtimoiy tarmoqlarda juda ko‘p tanqidga uchraydi, ammo shunday vaziyatlarda u noto‘g‘ri signal beradi. Menimcha, «Arsenal» uning jiddiy oqibatlarga duch kelmaganidan omadli bo‘ldi. Vinisiusdek iqtidorli futbolchini «Arsenal» tarkibida ko‘rishni juda xohlardim, ammo uning mentaliteti va egosini hisobga olsak, bu juda murakkab vaziyatni yuzaga keltirishi mumkin», — deya Petining so‘zlarini Boyle Sports keltiradi.