«Реал» ярим ҳимоячиси Жуд Беллингем «Райо Вальекано» дарвозасига Винисиус Жуниорнинг узатмасидан сўнг гол урди.

Ла Лига 5-туридан ўрин олган учрашувнинг 35-дақиқасида бразилиялик футболчи чап қанотдан олдинга ёриб кирди ва тўпни ортга — Беллингемга узатди. Англиялик ярим ҳимоячи эса жарима майдони чизиғи атрофидан тўпга бир тегинишда зарба бериб, уни дарвозанинг узоқ бурчагига жойлади.

Эндиликда Беллингемнинг Ла Лигадаги 5 та ўйиндаги ҳисоби 3 та гол ва 2 та голли узатмани ташкил этмоқда.

Винисиус Жуниор эса Испания чемпионатида ўтказган 5 та учрашувида 1 та гол урди ва 3 та голли узатмани амалга оширди.