«ПСЖ» вингери Хвича Кварацхелия жамоа бош мураббийи Луис Энрике ҳақида ўз фикрларини билдирди.

«Бу ерга келганимда жамоа ўз ишига қанчалик содиқ экани ва мени қанчалик ҳурмат қилишини тушундим. Луис Энрикенинг гапларидан асосий таркибдан жой олиш учун энг юқори даражада ўйнашим кераклигини англадим.

Агар Энрике олдида ҳатто бир марта хато қилсангиз, захира ўриндиғида қолиб кетишингиз мумкин», — дея Кварацхелиянинг сўзларини L’Équipe нашри келтиради.

Кварацхелия 2025 йилдан буён «ПСЖ» шарафини ҳимоя қилиб келмоқда. Ўтган мавсумда футболчи парижликлар сафида 48 та учрашувда майдонга тушиб, 19 та гол ва 11 та голли узатма қайд этди.

Умуман, Кварацхелия «ПСЖ» таркибида 85 та ўйин ўтказиб, 28 та гол урган ва 20 та голли узатмани амалга оширган.