Англия Премьер-лигасининг бешта клуби 16 ёшли норвегиялик вингер Габриэль Райкович билан шартнома имзолаш имкониятини кўриб чиқмоқда. Бу ҳақда TEAMtalk хабар берди.
«Манчестер Юнайтед» ва «Арсенал»дан ташқари, «Манчестер Сити», «Челси» ҳамда «Ливерпуль» ҳам ёш футболчига қизиқиш билдирмоқда.
Райкович 2025 йилда 15 ёшу 20 кунлигида майдонга тушиб, Норвегия чемпионати олий дивизиони тарихидаги энг ёш футболчига айланган. Ҳозирда футболчи «Волеренга» клуби шарафини ҳимоя қилмоқда.
Райкович 15 ёшидаёқ катталар даражасида 14 та учрашув ўтказди. Вингер ҳисобида учта гол ва битта голли узатма бор.
