"Бавария" ҳужумкор ярим ҳимоячиси Леннарт Карл "Эльверсберг"га қарши ўйинда голни нишонлаш услуби учун рақиб мухлисларидан узр сўради.
18 ёшли футболчи Бундеслигадаги сафар учрашувининг 26-дақиқасида ҳисобни очди. У голдан сўнг мезбонлар трибунаси олдида бармоғини лабига қўйиб, "жим" ишорасини кўрсатди. Бу эса маҳаллий мухлисларнинг норозилигига сабаб бўлди.
"Бу ҳиссиётлар таъсирида бўлди. Агар ишорам кимгадир ноўрин туюлган бўлса, узр сўрайман. Буни ҳеч қандай ёмон ниятсиз, ўйиндаги юқори ҳиссиётлар таъсирида қилдим. Кечирим сўрайман", — деди Карл.
Учрашув "Бавария"нинг 2:1 ҳисобидаги ғалабаси билан якунланди. Мюнхенликларга ғалаба келтирган голни 72-дақиқада Гарри Кейн урди.
