«Барселона» вингери Рафинья Ла Лиганинг 5-турида «Леванте»га қарши ўйинда иккита голли узатмани амалга оширди.

Бразилиялик футболчи 5-дақиқада Хави Эспартнинг, 19-дақиқада эса Ламин Ямалнинг голига ассистентлик қилди.

Шу тариқа, Рафиньянинг Испания чемпионатидаги кўрсаткичи 6 та гол ва 3 та голли узатмага етди. Бундан ташқари, унинг Чемпионлар лигасида ҳам 2 та голи бор.

Умуман олганда, Рафинья жорий мавсум бошидан буён барча мусобақаларда «гол+пас» тизими бўйича 11 та самарали ҳаракат — 8 та гол ва 3 та ассист қайд этган.