«Манчестер Сити» ярим ҳимоячиси Эллиот Андерсон «Манчестер Юнайтед» устидан қозонилган ғалабадан кейин Фил Фоденнинг ҳолати ҳақида гапирди.
Манчестер дербисида «шаҳарликлар» 1:0 ҳисобида ғалаба қозонди. Фоден 23-дақиқада Бруну Фернандеш билан бўлган вазиятдаги ҳаракати учун қизил карточка олиб, учрашувни эрта якунлашга мажбур бўлди.
Шунга қарамай, футболчи ўйиндан кейин кийиниш хонасида жамоадошлари билан бирга ғалабани катта хурсандчилик билан нишонлаган.
Андерсоннинг айтишича, Фоден тўлиқ ўйнай олмаганидан хафа бўлган, аммо жамоанинг ғалабасидан жуда мамнун эди.
«У кийиниш хонасида ҳаммамиз каби жуда кўтаринки кайфиятда хурсандчиликни нишонлади. Фоденнинг майдондан четлатилиши ўйинни анча қийинлаштирди, аммо биз бирлашиб, охиригача курашдик», — деди Андерсон.
