"Ал-Аҳли"га қарши Жиддада бўлиб ўтган баҳсдан сўнг "Пахтакор" мураббийи Эмилиан Карас матбуот анжуманида қатнашди.
— Ўйин кутганимиздек қийин кечди. "Ал Аҳли" жуда кучли ва тажрибали жамоа. Ҳаво ҳарорати ва юқори намлик ҳам қийинчилик туғдирди. Шу сабабли таанффусдаёқ ўзгаришлар бошланди. Гол урганимиздан кейин иккита қарши ҳужум уюштирдик, аммо фойдалана олмадик. Беллашув тақдирини ҳал қилишимиз мумкин эди. Мезбонлар ҳам голга арзирли ўйнашди, лекин голли имкониятларимиз бўлганди.
"Ал-Аҳли"да ўзгаришлар бўлганини биламиз. Лекин беллашувга ҳозирлик кўришда ўз футболимиз ҳақида бош қотирдик. Мезбонлар мураббийини "Шахтёр"даги фаолиятидан биламан. Унга янги жамоасида барчасини ўзгартириш учун вақт керак.
