«Барселона» бош мураббийи Ханс-Дитер Флик сўнгги ўйинларда Гавининг кам майдонга тушаётганига изоҳ берди.

«Албатта, Гави жуда амбицияли футболчи, у доимо ўйнашни хоҳлайди. У «Эльче»га қарши илк учрашувда асосий таркибда майдонга тушганди, аммо жароҳат олди. Энди эса жамоа айни пайтда жуда яхши ўйнаётганини қабул қилиши керак. Бироқ менга барча футболчилар керак. Жамоа учун ҳар бир ўйинчи муҳим», — деди Флик матбуот анжуманида.

Жорий мавсумда Гави Испания чемпионатида атиги битта учрашувда майдонга тушди ва голли ҳаракат амалга оширмади.

Испаниялик ярим ҳимоячи жароҳат сабаб икки ўйинни ўтказиб юборди. Сафга қайтганидан кейин эса сўнгги икки учрашувни захира ўриндиғида ўтказди.

Шунингдек, Гави Чемпионлар лигасида ҳам бир марта майдонга тушган.