«Комо» бош мураббийи Франсеск Фабрегас Италия А Сериясининг 4-турида «Парма»га қарши 2:1 ҳисобидаги ғалабадан сўнг ҳал қилувчи гол муаллифи Кайки Брунони алоҳида эътироф этди.

«У Бразилия терма жамоасида ҳам ўйнаган. Демак, гап юқори савияли футболчи ҳақида кетяпти ва у бизга жуда катта ёрдам беради. У ҳимояда ўйнашни жуда яхши кўради ва бугун бу яққол кўринди. Вақт ўтиши билан у жамоага янада мослашади ва биз ундан кутаётган нарсани беради.

Ҳозирги футболда гол уриш қобилиятига эга ҳимоячилар жуда муҳим. «Арсенал» Англия Премьер-лигасида кўп жиҳатдан ҳимоячиларнинг голлари ва стандарт вазиятлардаги самарали ўйини эвазига ғолиб бўлди. Агар биз ҳам бу жиҳатни ўз имкониятларимизга қўша олсак, қўшимча устунликка эга бўламиз», — деди Фабрегас.