«Манчестер Юнайтед»нинг чап қанот ҳимоячиси Люк Шоу жорий мавсум якунланганидан сўнг жамоани тарк этиши мумкин. Бу ҳақда журналист Крис Уилер маълум қилди.
Манбага кўра, ҳозирги вазият «Манчестер Юнайтед» 31 ёшли футболчи билан муддати тугайдиган шартномани узайтирмаслигини кўрсатмоқда. Келаси ёзда Шоу эркин агентга айланиши мумкин.
Ҳимоячи «қизил иблислар» сафида 2014 йилдан бери тўп тепмоқда. Жорий мавсумда футболчи Англия Премьер-лигасининг учта ўйинида майдонга тушиб, бирта голли узатмани ўз ҳисобида қайд этди.
Transfermarkt портали мутахассислари Шоунинг қийматини 8 миллион еврога баҳоламоқда.
