«Бавария» вингери Луис Диас жамоадоши Харри Кейн «Олтин тўп»ни қўлга киритиши керак, деб ҳисоблайди.

Мюнхен клуби ва Англия терма жамоаси ҳужумчиси дунёнинг энг яхши футболчисига бериладиган мукофот учун 30 нафар номзод қаторига киритилган.

«Бу масала бўйича кўпчиликнинг фикрини кўрдим. Ҳар кимнинг ўз қараши бор ва уни ҳурмат қилиш керак.

Шахсан мен Харри бу мукофотни қўлга киритиши керак, деб ўйлайман.

У дунёнинг энг яхши футболчиларидан бири ва буни жуда узоқ вақтдан бери исботлаб келмоқда. У ўтказган мавсум эса шунчаки ақлбовар қилмас даражада бўлди», — деди Луис Диас.