Брайан Сарагоса яқинда «Бавария»дан «Эспаньол»га бир мавсумлик ижара асосида ўтди. Каталония клубида футболчини 8 млн еврога тўлиқ сотиб олиш ҳуқуқи ҳам бор.

Mundo Deportivo маълумотига кўра, ушбу сотиб олиш банди икки шарт бажарилса мажбурий тус олади.

Бунинг учун Сарагоса камида 20 та ўйинда 45 дақиқадан кам бўлмаган вақт майдонда ҳаракат қилиши, шунингдек «Эспаньол» Ла Лигадаги ўрнини сақлаб қолиши керак.

25 ёшли испаниялик вингер ёзда «Бавария»нинг режаларидан четда қолганидан кейин янги жамоасига мослашиш жараёнини бошдан кечирмоқда.

Ҳозиргача Сарагоса Ла Лигада 3 та ўйинда жами 70 дақиқа майдонда ҳаракат қилди. У асосан захирадан ўйинга қўшилмоқда.