«Реал» расмийлари ҳужумчилар Килиан Мбаппе ва Винисиус Жуниорнинг «Эльче»га қарши ўйин олдидан футболкадаги ёзувни беркитгани бўйича изоҳ берди. 

Учрашувдан олдин футболчилар «Todos somos caballas» («Биз барчамиз кабальясмиз») деган ёзув туширилган махсус футболкаларни кийишди. «Кабальяс» — Сеута аҳолисига нисбатан қўлланадиган лақаб.

Бу ёзув Сеута шаҳри аҳолисини қўллаб-қувватлаш мақсадида тайёрланган. Аммо Мбаппе ва Винисиус футболкалардаги ёзувни қўллари билан беркитиб, кейин эса либосларни ечиб қўйишди.

«Реал» клуби бу ҳолат футболчиларнинг шахсий қарори эканини билдирди. Клуб Сеута аҳолисини қўллаб-қувватлаш ташаббусини ҳурмат қилишини, шу билан бирга ҳар бир футболчи ўз фикри ва қарашини эркин ифодалаш ҳуқуқига эга эканини таъкидлади.

Шу тариқа, «Реал» Мбаппе ва Винисиуснинг футболкадаги ёзувни намойиш қилмаслик қарорини қораламади ва уларнинг танловини ҳурмат қилишини билдирди.