«Real» rasmiylari hujumchilar Kilian Mbappe va Vinisius Juniorning «Elche»ga qarshi o‘yin oldidan futbolkadagi yozuvni berkitgani bo‘yicha izoh berdi. 

Uchrashuvdan oldin futbolchilar «Todos somos caballas» («Biz barchamiz kabalyasmiz») degan yozuv tushirilgan maxsus futbolkalarni kiyishdi. «Kabalyas» — Seuta aholisiga nisbatan qo‘llanadigan laqab.

Bu yozuv Seuta shahri aholisini qo‘llab-quvvatlash maqsadida tayyorlangan. Ammo Mbappe va Vinisius futbolkalardagi yozuvni qo‘llari bilan berkitib, keyin esa liboslarni yechib qo‘yishdi.

«Real» klubi bu holat futbolchilarning shaxsiy qarori ekanini bildirdi. Klub Seuta aholisini qo‘llab-quvvatlash tashabbusini hurmat qilishini, shu bilan birga har bir futbolchi o‘z fikri va qarashini erkin ifodalash huquqiga ega ekanini ta’kidladi.

Shu tariqa, «Real» Mbappe va Vinisiusning futbolkadagi yozuvni namoyish qilmaslik qarorini qoralamadi va ularning tanlovini hurmat qilishini bildirdi.