Франция футбол федерацияси Зинедин Зидан бошчилигидаги миллий терма жамоанинг янги штаби таркибидан Марк Ритталини чиқариб ташлади. Бу қарор Зиданнинг терма жамоадаги илк ўйинидан олдин қабул қилинган, дея хабар берди L’Equipe.
Риттали жамоанинг тиббий штабига қўшилиши керак эди. Бироқ унинг август ойи ўрталарида берган интервьюси ишдан бўшатилишига сабаб бўлган.
Мутахассис интервьюда Зидан штабидан таклиф олганидан хурсанд ва ҳайратда эканини айтган. Аммо ушбу интервью Франция футбол федерацияси билан келишилмаган ва шу тариқа Риттали махфийлик бўйича мажбуриятни бузган. Унинг ўрнига бошқа мутахассис топилган.
Зинедин Зидан 29 июль куни Дидье Дешамнинг ўрнига Франция терма жамоаси бош мураббийи этиб тайинланган. Унинг шартномаси 2030 йил 30 июнгача амал қилади.
Франция Зидан қўл остидаги илк ўйинини 25 сентябрь куни Миллатлар лигасида Туркияга қарши ўтказади. Кейин жамоа 29 сентябрда Бельгия, 2 октябрда Италия ва 5 октябрда яна Бельгия билан баҳслашади.
