«Атлетико» ярим ҳимоячиси Коке Ла Лиганинг 8-турида «Осасуна» устидан 4:0 ҳисобида қозонилган ғалабадан сўнг фикр билдирди.

Жамоа ҳақида:

«Сафимизга юқори савияли футболчилар келди. Таркибимиз жуда кучли. Жамоа ажойиб ўйин ўтказди ва биз айнан шунга — юқори рақобат ва ўсишга интилишимиз керак.

Яқинда 3:0 ҳисобида ғалаба қозондик, бугун эса 4:0. Биз шу йўналишда давом этишимиз керак», — деди Коке.

«Реал»га қарши бўлажак учрашув ҳақида:

«Дерби ҳар доим алоҳида аҳамиятга эга, айниқса, ўз майдонингда ўйнасанг. Улар бизнинг шаҳардаги рақибимиз ва биз уларни мағлуб этишни истаймиз.

Бироқ бунинг учун ҳамма ишни жуда яхши бажаришимиз керак, чунки “Реал” кучли жамоа. Ғалаба қозониб, мухлисларимизни хурсанд қилишга умид қиламиз».

«Атлетико» сафидаги 747 та ўйини ҳақида:

«Бу меҳнат ва кўп нарсани тўғри қилганим натижаси. Демак, ҳали анча вақт ўйнашим керак. Олдинда яна кўплаб учрашувлар бўлишига умид қиламан.

Энг муҳими — менга қандай вазифа берилмасин, жамоага фойда келтириш», — деди Коке.

«Атлетико» айни пайтда 13 очко билан Испания чемпионати турнир жадвалида учинчи ўринни эгаллаб турибди.