Campeones Cup учун кечган учрашувда АҚШнинг "Интер Майами" клуби Мексиканинг "Крус Асуль" жамоасига қарши баҳс олиб борди. Флорида вакиллари 2:0 ҳисобида ғалаба қозониб, совринни қўлга киритди.
Учрашувдаги голлардан бирини 39 ёшли аргентиналик ҳужумчи Лионель Месси урди.
Шу тариқа, Месси турнирларнинг финал учрашувларида энг кўп гол урган футболчи сифатидаги жаҳон рекордини яна яхшилади. Аргентиналикнинг финалларда урган голлари сони 36 тага етди.
Саккиз карра "Олтин тўп" соҳиби "Интер Майами" сафида 2023 йил июль ойидан буён тўп тепмоқда. Унинг клуб билан амалдаги шартномаси 2028 йил декабрь охирига қадар мўлжалланган.
Transfermarkt портали Мессининг трансфер қийматини 15 миллион еврога баҳоламоқда.
