Санкт-Петербургнинг «Зенит» ва Лондоннинг «Арсенал» клублари собиқ ҳужумчиси Андрей Аршавин «канонирлар» сафидаги илк машғулотини эслади.
Россиялик футболчи «Арсенал» шарафини 2009 йилдан 2013 йилгача ҳимоя қилган.
«Менимча, ўша пайтда ҳали шартнома имзоламаган эдим, аммо тиббий кўрикдан ўтиб бўлган эдим. Венгер эса барибир машғулотда иштирок этишим кераклигини айтди.
Мен дарҳол Клишига қарши тушдим. Деярли бутун майдон бўйлаб ўйнадик, жуда оғир эди. Ўшанда энди ҳеч кимни тезликда қувиб ета олмаслигимни тушундим», — деди Аршавин кулиб.
Собиқ футболчининг айтишича, машғулотдан кейин у меҳмонхонага қайтган ва «Арсенал»даги биринчи кунини айнан шу тарзда эслаб қолган.
