Sankt-Peterburgning «Zenit» va Londonning «Arsenal» klublari sobiq hujumchisi Andrey Arshavin «kanonirlar» safidagi ilk mashg‘ulotini esladi.
Rossiyalik futbolchi «Arsenal» sharafini 2009 yildan 2013 yilgacha himoya qilgan.
«Menimcha, o‘sha paytda hali shartnoma imzolamagan edim, ammo tibbiy ko‘rikdan o‘tib bo‘lgan edim. Venger esa baribir mashg‘ulotda ishtirok etishim kerakligini aytdi.
Men darhol Klishiga qarshi tushdim. Deyarli butun maydon bo‘ylab o‘ynadik, juda og‘ir edi. O‘shanda endi hech kimni tezlikda quvib yeta olmasligimni tushundim», — dedi Arshavin kulib.
Sobiq futbolchining aytishicha, mashg‘ulotdan keyin u mehmonxonaga qaytgan va «Arsenal»dagi birinchi kunini aynan shu tarzda eslab qolgan.
