Англия терма жамоасининг собиқ футболчиси Габриэль Агбонлахор Майкл Кэррикнинг «Манчестер Юнайтед» бош мураббийлиги лавозимидан тез орада бўшатилиши мумкинлигини истисно этмаяпти.

«Манчестер Юнайтед» тўрт турдан сўнг Премьер-лига турнир жадвалида 13-ўринни эгаллаб турибди. Яқинда «қизил иблислар» ўз майдонида «Брайтон»га 2:3 ҳисобида имкониятни бой бериб, Лига кубогини тарк этди.

«Агар бу ҳолат давом этса, агар улар дам олиш кунлари «Фулҳэм» меҳмони бўлиб мағлубиятга учрашса... ундан сўнг терма жамоалар ўйинлари учун танаффус бошланади. «Манчестер Юнайтед» ўрнида бўлганимда, кимни таклиф қилиш мумкинлиги, ким билан музокара олиб бориш мумкинлигини кўриб чиққан бўлардим. Агар яқин тўрт-беш ўйинда ҳеч нарса ўзгармаса, эҳтимол «Манчестер Юнайтед» мураббийни алмаштирар. Лекин ҳозирча Кэррик аниқ ўз ишини давом эттиради», — деди Агбонлахор talkSPORT нашрига.

«Манчестер Юнайтед» якшанба, 20 сентябрь куни «Фулҳэм» меҳмони бўлади.