Angliya terma jamoasining sobiq futbolchisi Gabriel Agbonlaxor Maykl Kerrikning «Manchester Yunayted» bosh murabbiyligi lavozimidan tez orada bo‘shatilishi mumkinligini istisno etmayapti.
«Manchester Yunayted» to‘rt turdan so‘ng Premyer-liga turnir jadvalida 13-o‘rinni egallab turibdi. Yaqinda «qizil iblislar» o‘z maydonida «Brayton»ga 2:3 hisobida imkoniyatni boy berib, Liga kubogini tark etdi.
«Agar bu holat davom etsa, agar ular dam olish kunlari «Fulhem» mehmoni bo‘lib mag‘lubiyatga uchrashsa... undan so‘ng terma jamoalar o‘yinlari uchun tanaffus boshlanadi. «Manchester Yunayted» o‘rnida bo‘lganimda, kimni taklif qilish mumkinligi, kim bilan muzokara olib borish mumkinligini ko‘rib chiqqan bo‘lardim. Agar yaqin to‘rt-besh o‘yinda hech narsa o‘zgarmasa, ehtimol «Manchester Yunayted» murabbiyni almashtirar. Lekin hozircha Kerrik aniq o‘z ishini davom ettiradi», — dedi Agbonlaxor talkSPORT nashriga.
«Manchester Yunayted» yakshanba, 20 sentyabr kuni «Fulhem» mehmoni bo‘ladi.
