Россия ўсмирлар терма жамоаси футбол бўйича жаҳон чемпионати ва ФИФА U15 фестивалида иштирок этади. Бу 2022 йилдан буён Россия терма жамоаси ФИФА эгидасидаги расмий мусобақада давлат байроғи ва мадҳияси билан иштирок этадиган илк турнир бўлади. Бу ҳақда Россия футбол иттифоқи матбуот хизмати хабар берди.
«Турнирнинг дастлабки босқичида жамоамиз Афғонистон, Жибути, Сьерра-Леоне, Судан ва Туркия терма жамоалари билан бир гуруҳдан ўрин олган.
Шундан сўнг жамоа ўз гуруҳларида худди шундай ўринларни эгаллаган рақибларга қарши яна бешта учрашув ўтказади.
191 та терма жамоа иштирокидаги фестиваль 22–31 октябрь кунлари Озарбайжонда бўлиб ўтади. Учрашувлар 8×8 форматида, 20 дақиқадан иборат икки таймда ўтказилади», — дейилади РФИ хабарда.
