"Манчестер Сити" бош мураббийи Энцо Мареска 17 ёшли ярим ҳимоячи Флойд Самбанинг асосий жамоадаги дебюти ҳақида фикр билдирди.

Англия Лига кубоги 1/16 финалида "Манчестер Сити" "Норвич"ни 5:0 ҳисобида мағлуб этди. Самба ўзи учун одатий бўлмаган ҳужумчи позициясида 90 дақиқа тўлиқ ҳаракат қилди ва иккита гол урди.

"Флойд яхши ўйнади. Буни фақат иккита гол ургани учун эмас, балки бутун ўйинини ҳисобга олиб айтаяпман. У аслида ҳужумчи эмас — биз уни бу позицияда бор-йўғи икки-уч кун тайёрладик.

Аммо у ҳужумларни жуда яхши якунлайди. Шунинг учун менимча, у яхши ўйин ўтказди", — дея Маресканинг сўзларини City Report келтирди.

"Манчестер Сити" навбатдаги учрашувини 20 сентябрь куни "Сандерленд"га қарши ўтказади. Премьер-лига 5-тури доирасидаги баҳс Тошкент вақти билан соат 18:00 да бошланади.