Мюнхеннинг "Бавария" клуби ҳозирда "Ливерпуль" сафида тўп сураётган германиялик вингер Флориан Вирцга бўлган қизиқишини йўқотмаган. Бу ҳақда журналист Экрем Конур ижтимоий тармоқларда хабар берди.
Манбага кўра, Германия гранди футболчининг мерсисайдликлар сафидаги ҳолатини диққат билан кузатиб бормоқда. Бироқ Бундеслига чемпиони ҳозирча эҳтимолий трансфер бўйича расмий таклиф киритишни режалаштирмаяпти.
23 ёшли футболчи ўтган йил ёзида Леверкузеннинг "Байер" клубидан "Ливерпуль"га кўчиб ўтган ва беш йиллик шартнома имзолаган. Унинг трансфер қиймати 100 миллион евро атрофида баҳоланмоқда.
Жорий мавсум Англия Премьер-лигасида Вирц 4 та учрашувда майдонга тушиб, 1 та голли узатмани амалга оширди.
