«Бавария» ва Англия терма жамоаси ҳужумчиси Харри Кейн «Олтин тўп»ни қўлга киритиш имкониятлари ҳақида фикр билдирди.

«Мен ўзим ҳақимда кўп гапиришни ҳеч қачон ёқтирмаганман. Фақат бир нарсани айтишим мумкин: ўтган мавсум ҳам шахсий, ҳам жамоавий жиҳатдан ақл бовар қилмас даражада ўтди.

Бу, шубҳасиз, фаолиятимдаги энг яхши мавсум бўлди. 73 та голнинг ўзи кўп нарсани айтиб турибди. Бу тарихда Мессининг 2011/12 йилги мавсумда қайд этган 82 та голидан кейинги иккинчи энг яхши натижа. Бундан жуда фахрланаман», — деди Кейн MARCA нашрига берган интервьюсида.

Ҳужумчи, шунингдек, «Олтин тўп» учун овоз бериш жараёнига ҳеч қандай таъсир ўтказа олмаслигини таъкидлади.

Кейннинг айтишича, ўтган мавсум энди тарихда қолган ва ҳозир у бутун эътиборини янги мавсумга қаратган.