«Bavariya» va Angliya terma jamoasi hujumchisi Xarri Keyn «Oltin to‘p»ni qo‘lga kiritish imkoniyatlari haqida fikr bildirdi.

«Men o‘zim haqimda ko‘p gapirishni hech qachon yoqtirmaganman. Faqat bir narsani aytishim mumkin: o‘tgan mavsum ham shaxsiy, ham jamoaviy jihatdan aql bovar qilmas darajada o‘tdi.

Bu, shubhasiz, faoliyatimdagi eng yaxshi mavsum bo‘ldi. 73 ta golning o‘zi ko‘p narsani aytib turibdi. Bu tarixda Messining 2011/12 yilgi mavsumda qayd etgan 82 ta golidan keyingi ikkinchi eng yaxshi natija. Bundan juda faxrlanaman», — dedi Keyn MARCA nashriga bergan intervyusida.

Hujumchi, shuningdek, «Oltin to‘p» uchun ovoz berish jarayoniga hech qanday ta’sir o‘tkaza olmasligini ta’kidladi.

Keynning aytishicha, o‘tgan mavsum endi tarixda qolgan va hozir u butun e’tiborini yangi mavsumga qaratgan.