«Реал» ва Франция терма жамоаси ҳужумчиси Килиан Мбаппе Nike компанияси билан ҳамкорликни тўхтатди. The Touchline нашри The Athletic’га таяниб хабар беришича, француз футболчиси энди «ON» бренди билан ҳамкорлик қилади.
Шунингдек, яқин вақт ичида Тьерри Анри «ON» брендининг футбол бўйича директори лавозимини эгаллаши кутилмоқда.
Мбаппе 2026/27 йилги мавсумда «Реал» сафида 7 та учрашувда майдонга тушиб, 8 та гол урди ва 2 та голли узатмани амалга оширди.
«Реал» айни пайтда Ла Лига жадвалида иккинчи ўринда бормоқда. Жозе Моуринью жамоаси пешқадам «Барселона»дан 3 очко ортда.
Мадрид клуби навбатдаги учрашувини 20 сентябрь куни сафарда «Атлетико»га қарши ўтказади.
