Сенегал терма жамоаси бош мураббийи Патрик Виейра «Ан-Наср» ҳужумчиси Садио Маненинг миллий жамоанинг навбатдаги йиғинига чақирилмагани сабабини тушунтирди.

Франциялик мутахассис 2027 йилги Африка миллатлар кубоги саралаш босқичи доирасида Мозамбик ва Эфиопияга қарши ўйинлар учун Мане номзодини рўйхатга киритмади.

«Садио билан телефон орқали гаплашдим. Унинг соғлиғи билан боғлиқ муаммолари бор, шунинг учун бу йиғинда биз билан бўлмайди. Аммо катта эҳтимол билан кейинги йиғинда иштирок этади», — дея Виейранинг сўзларини Seneweb портали келтирди.

«Ливерпуль»даги ўйинлари билан яхши танилган 34 ёшли Мане Сенегал терма жамоаси сафида 130 та учрашув ўтказиб, 54 та гол урган.

Ёзда унинг халқаро фаолиятини якунлаши мумкинлиги ҳақида хабарлар тарқалган эди, аммо кейинчалик бу маълумотлар рад этилди.