Senegal terma jamoasi bosh murabbiyi Patrik Viyeyra «An-Nasr» hujumchisi Sadio Manening milliy jamoaning navbatdagi yig‘iniga chaqirilmagani sababini tushuntirdi.

Fransiyalik mutaxassis 2027 yilgi Afrika millatlar kubogi saralash bosqichi doirasida Mozambik va Efiopiyaga qarshi o‘yinlar uchun Mane nomzodini ro‘yxatga kiritmadi.

«Sadio bilan telefon orqali gaplashdim. Uning sog‘lig‘i bilan bog‘liq muammolari bor, shuning uchun bu yig‘inda biz bilan bo‘lmaydi. Ammo katta ehtimol bilan keyingi yig‘inda ishtirok etadi», — deya Viyeyraning so‘zlarini Seneweb portali keltirdi.

«Liverpul»dagi o‘yinlari bilan yaxshi tanilgan 34 yoshli Mane Senegal terma jamoasi safida 130 ta uchrashuv o‘tkazib, 54 ta gol urgan.

Yozda uning xalqaro faoliyatini yakunlashi mumkinligi haqida xabarlar tarqalgan edi, ammo keyinchalik bu ma’lumotlar rad etildi.