«Монако» бош мураббийи Филипе Луис жамоанинг Франция чемпионатида пешқадам бўлиб тургани ҳақида фикр билдирди.
«Мени яхши биласизлар, бу вазиятда камтар бўлиб қолишни истайман. Албатта, дастлабки бешта ўйинда кўрсатган футболимиздан мамнунман. Аммо олдимизда ҳали узоқ йўл бор ва бизни кўплаб қийинчиликлар кутмоқда. Албатта, ғалабадан завқланиш ва кучни тиклаб олиш керак. Шундан сўнг эса «Тулуза»га қарши навбатдаги ўйин ҳақида ўйлашимиз лозим», — дея мураббийнинг сўзларини клуб матбуот хизмати келтирди.
Франция чемпионатининг 5-турида «Монако» ўз майдонида «Ланс»ни 2:1 ҳисобида мағлуб этди. Ушбу ғалаба монегаскларга турнир жадвалидаги пешқадамликни сақлаб қолиш имконини берди.
Айни пайтда Филипе Луис жамоаси ҳисобида 13 очко бор.
