«Monako» bosh murabbiyi Filipe Luis jamoaning Fransiya chempionatida peshqadam bo‘lib turgani haqida fikr bildirdi.
«Meni yaxshi bilasizlar, bu vaziyatda kamtar bo‘lib qolishni istayman. Albatta, dastlabki beshta o‘yinda ko‘rsatgan futbolimizdan mamnunman. Ammo oldimizda hali uzoq yo‘l bor va bizni ko‘plab qiyinchiliklar kutmoqda. Albatta, g‘alabadan zavqlanish va kuchni tiklab olish kerak. Shundan so‘ng esa «Tuluza»ga qarshi navbatdagi o‘yin haqida o‘ylashimiz lozim», — deya murabbiyning so‘zlarini klub matbuot xizmati keltirdi.
Fransiya chempionatining 5-turida «Monako» o‘z maydonida «Lans»ni 2:1 hisobida mag‘lub etdi. Ushbu g‘alaba monegasklarga turnir jadvalidagi peshqadamlikni saqlab qolish imkonini berdi.
Ayni paytda Filipe Luis jamoasi hisobida 13 ochko bor.
