«Барселона»нинг бразилиялик футболчиси Рафинья Диас Саудия Арабистони чемпионатидан тушган таклифни рад этганини айтиб берди.
«Менга ва оиламга ҳаётимизни ўзгартириб юбориши мумкин бўлган жуда манфаатли таклиф тушди. Рақамлар жуда жозибадор эди. Аммо агар клуб менинг қолишимни хоҳласа, мен буни ҳис қиламан. Мен бу ерда имкон қадар узоқроқ қолиш ниятидаман. «Барселона» менинг ҳаётимнинг мазмунига айланди», — деди Рафинья RAC1 нашрига берган интервьюсида.
Жорий мавсумда 29 ёшли ҳужумчи барча мусобақаларни инобатга олганда еттита учрашувда майдонга тушиб, рақиблар дарвозасини 11 бор ишғол этди ва учта голли узатмани амалга оширди.
Рафиньянинг «Барселона» билан амалдаги меҳнат шартномаси 2028 йилнинг июнигача мўлжалланган.
