«Бавария» бош мураббийи Венсан Компани ярим ҳимоячи Джамал Мусиала ҳақида фикр билдирди. Кеча, 18 сентябрь куни мюнхенликлар «Унион»ни 7:0 ҳисобида мағлубиятга учратди. Вингер майдонда тўлиқ ўйин ўтказиб, битта гол урди ва битта голли узатмага муаллифлик қилди. Август ойида Мусиала майдонда икки марта хушини йўқотган эди.
«Биз айнан ҳозир ушбу қадамни ташлашни хоҳлаган эдик. Терма жамоалар ўйинлари сабабли юзага келадиган танаффус олдидан 90 дақиқа ўйнаши у учун муҳим эди — шу орқали у барча ортиқча гап-сўзларни четга суриб қўя олади. Ҳамма нарса футболга ва унинг қандай ўйнашига бориб тақалади — уни айнан шунга қараб баҳолаш лозим», — деб келтиради Компанининг сўзларини Bayern & Germany X ижтимоий тармоғида.
Бундеслиганинг тўрт туридан сўнг «Бавария» 10 очко билан турнир жадвалини бошқариб бормоқда.
