«Барселона» бош мураббийи Ханс-Дитер Флик Рафинья Диаснинг жорий мавсумдаги ўйинига баҳо берди.

Мавсум бошида немис мутахассиси жамоа сардорини ҳужумчи позициясига ўтказди ва бу қарор дарҳол самара берди. Бразилиялик футболчи 8 та учрашувда 14 та гол урди ва 3 та голли узатма амалга оширди.

«Рафиньянинг бундай натижаларидан умуман ҳайрон эмасман. У Ламин Ямаль каби ўзига хос футболчи. Иккаласи ҳам энг яхшилардан. Ҳужумнинг ҳал қилувчи босқичида уларнинг ҳаракатлари деярли мукаммал», — деди Флик.

Рафинья сўнгги икки учрашувда кетма-кет хет-трик қайд этди. У шанба куни «Севилья» дарвозасига учта гол урган бўлса, уч кун аввал «Расинг»га қарши 7:2 ҳисобида якунланган баҳсда ҳам хет-трик муаллифи бўлган.