"Интер Майами" ҳужумчиси Лионель Месси МЛС мунтазам чемпионати доирасида "Сан-Диего"га қарши ўтказилган учрашувда жарима зарбасидан гол урди. Баҳс 2:2 ҳисобида якунланди.

The Touchline маълумотига кўра, 39 ёшли аргентиналик футболчи бутун футбол тарихи давомида жарима зарбаларидан энг кўп гол урган футболчилар рўйхатида якка ҳолда иккинчи ўринга чиқди. Месси ҳисобида бундай 75 та гол бор. У бу кўрсаткич бўйича бразилиялик Жаирни ортда қолдирди. Жаир жарима зарбаларидан 74 та гол урган.

Рўйхатда биринчи ўринни бразилиялик Марселиньо Кариока 78 та гол билан эгаллаб турибди. Тўртинчи ўринда Роберто Динамит 73 та, бешинчи ўринда эса Жуниньо Пернамбукано 72 та гол билан қайд этилган.

Месси профессионал фаолияти давомида 1176 та ўйинда 930 та гол урган. Шунингдек, у 424 та голли узатма ҳам амалга оширган.