"Inter Mayami" hujumchisi Lionel Messi MLS muntazam chempionati doirasida "San-Diyego"ga qarshi o‘tkazilgan uchrashuvda jarima zarbasidan gol urdi. Bahs 2:2 hisobida yakunlandi.
The Touchline ma’lumotiga ko‘ra, 39 yoshli argentinalik futbolchi butun futbol tarixi davomida jarima zarbalaridan eng ko‘p gol urgan futbolchilar ro‘yxatida yakka holda ikkinchi o‘ringa chiqdi. Messi hisobida bunday 75 ta gol bor. U bu ko‘rsatkich bo‘yicha braziliyalik Jairni ortda qoldirdi. Jair jarima zarbalaridan 74 ta gol urgan.
Ro‘yxatda birinchi o‘rinni braziliyalik Marselinyo Karioka 78 ta gol bilan egallab turibdi. To‘rtinchi o‘rinda Roberto Dinamit 73 ta, beshinchi o‘rinda esa Juninyo Pernambukano 72 ta gol bilan qayd etilgan.
Messi professional faoliyati davomida 1176 ta o‘yinda 930 ta gol urgan. Shuningdek, u 424 ta golli uzatma ham amalga oshirgan.
